Առաջատար

Սովորողը նաև բանահավաք է

Համագործակցային նախագիծ Հասմիկ Գրիգորյանի հետ

Ճամփորդության երթուղի՝  Դաշտադեմի ամրոց, գյուղ Դավթաշեն

Նպատակը՝

Սովորողներին ցույց տալ ինչպես պետք է աշխատել և ինչպես պետք է վերաբերվել ոչ նյութական մշակույթի բնօրինակների հետ, այն տոները, որ կազմակերպվում են կրթահամալիրում, այն պարերն ու երգերը, որ սովորում և կատարում են կրթահամալիրում, ինչպես են հավաքվել և փոխանցվել իրենց և հաջորդ սերունդներին։

Կծանոթանան դրանց եզակի լինելուն, այդ նյութերի անփոփոխ պահելու դժվարություններին, կհասկանան դրանց անխաթար պահպանելու կարևորությունը և սերունդներին առանց աղավաղումների փոխանցելու անհրաժեշտությունը։

Շարունակել կարդալ “Սովորողը նաև բանահավաք է”

Ընդհանուր պարապմունք

25.10.1019

1.Ասմար պարերգ Կրկ-Ասմար յաման, յաման, յաման, Դիլբար ու դալալո յաման:

Ասմար մի գա, մեր տուն մուխ է

Լուսնակ էրես, ընքեր թուխ է,

Կրկ-Ասմար յաման, յաման, յաման, Դիլբար ու դալալո յաման:

Ասմար էլե, կերթա մարագ,

Ուր ուտելիք, մեղըր ու կարագ,

Կրկ-Ասմար յաման, յաման, յաման, Դիլբար ու դալալո յաման:

2. Վանա ձկնորս

Էրթանք ծովուն քով, լե լե, լե, լե, լե,

Հեեեյ, հո

Քաշենք մեկ, քաշենք երկու, քաշենք, վայ, վայ,

Ուռկանի մեջը լեցուն ձուկը կա, հեյ

3. Շավալի

4 Փափուռի

5. Խամխամա

Կրթահամալիրի մասնակցությունը “Մեր երգերը և մենք” նախաձեռնությանը

“Մեր երգերը և մենք” նախաձեռնությունը նպատակ ունի մոռացությունից փրկել հայ երգը։ Ամեն ամիս մեկ օր կազմակերպում են անվճար երգուսուցում և տարածում ազգային երգը։ Կրթահամալիրը դասավանդողների և սովորողների հետ կարող է դառնալ այս նախաձեռնության մասնակիցներից ու աջակցողներից մեկը։

Այս նախաձեռնությունը բավականին հանրային միջոցառում է և մեր կրթահամալիրի 30-ամյակը ավելի բաց ու ընդլայնված տոնելու, մեր կրթական ծրագիրը տարածելու հնարավորություն է տալիս։

Նախատեսվում է աշխատանքներն սկսել սեպտեմբերից, շարունակել հոկտեմբերին։ Միջոցառումը կիրականանա նոյեմբերին։

Մասնակիցներ՝ միջին և ավագ դպրոցի սովորողներ և դասավանդողներ

Կրթահամալիրի դասավանդողների ավանդական երգ ու պարի ակումբ

Այս ակումբին կարող են անդամագրվել մեր կրթահամալիրի դասավանդողները, ովքեր սիրում են և ցանկություն ունեն սովորելու ազգային երգ ու պար և դրան զուգահեռ ծանոթանալ մեր ավանդույթներին:

Դասավանդողների ակումբի ստեղծման նախափորձ էր օգոստոսի 23-ին Սեբաստացիներ անունով Գութան փառատոնին մասնակցությունը:

Նպատակահարմար է դասավանդողների ակումբի գործունեությունը շարունակել միևնուն անունով՝ Սեբաստացիներ:

Ցանկալի է, որ ակումբում ընդգրկվեն ոչ միայն երգի ու պարի դասավանդողներ, այլ նաև այլ առարկաների դասավանդողներ:

Այս խմբին կարող են հաճախ այցելել և այս խմբի մասնակից դառնալ նաև որոշակի քանակությամբ սովորողներ: Այս հանգամանքը ոգևորող կարող է լինել և դասավանդողի և սովորողի համար:

Մասնակիցներ՝

Կրթահամալիրի դասավանդողներ

Նպատակը՝

Ազգային երգի, պարի նմուշներ սովորել և ելույթային տեսքի բերել։ Երբ դասավանդողը՝ ինքն է, դառնում ազգային մշակույթի կրողը, այդ մշակույթը սովորողներին փոխանցելն ավելի արագ, ճկուն, հասկանալի ու մատչելի է կազմակերպվում: Սա հնարավորություն կտա դասավանդողներին բացի կրթահամալիրց ելույթներ ունենալ նաև այլ բեմերում ու այլ միջոցառումների շրջանակներում՝ դառնալով Բլեյան բաց ցանցի ակտիվ տարածող:

Փորձի օրեր

Շաբաթական 2 անգամ՝ 1 ժամ տևողությամբ

Արդյունքում՝

  • Ապահովել որակյալ ելույթներ Ուրբաթ-համերգների համար
  • Ապահովել որակյալ ելույթներ կրթահամալիրից դուրս և նպաստել մեր կրթական ծրագրի տարածմանը
  • Նախաձեռնել այլ ավանդական խմբերի հետ հանդիպումներ և համագործակցել